“അനീതി നടക്കുന്നയിടത്ത് രാമന്റെ സാന്നിധ്യം ഉണ്ടാകില്ല”, അഭിപ്രായം വ്യക്തമാക്കി രാഹുല്‍ ഗാന്ധി

രാഹുല്‍ ഗാന്ധി

അയോധ്യയില്‍ രാമക്ഷേത്രത്തിന് ശിലാസ്ഥാപനം നടക്കവെ തന്റെ അഭിപ്രായം വ്യക്തമാക്കി രാഹുല്‍ ഗാന്ധി. അനീതി നടക്കുന്നയിടത്തില്‍ രാമന്റെ സാന്നിധ്യം ഉണ്ടാകില്ല എന്നാണ് രാഹുല്‍ കുറിച്ചത്. ക്ഷേത്രശിലാസ്ഥാപനം നടന്ന സമയത്ത് പങ്കുവെച്ച ഹിന്ദിയിലുള്ള ട്വീറ്റ് ഇതിനോടകം ശ്രദ്ധയാകര്‍ഷിച്ചുകഴിഞ്ഞു.

സ്വഭാവഗുണങ്ങള്‍ നിറഞ്ഞുനിന്ന മര്യാദാപുരുഷോത്തമനാണ് രാമന്‍. അതാണ് നമ്മുടെ മനസിന്റെ ആഴങ്ങളിലെ മനുഷ്യത്വത്തിന്റെ കാതല്‍. രാമന്‍ സ്‌നേഹമാണ്. വെറുപ്പ് അദ്ദേഹത്തിന്റേതല്ല. രാമന്‍ അനുകമ്പയാണ്. ക്രൂരത അദ്ദേഹത്തിന്റേതല്ല. രാമന്‍ നീതിയാണ്. അനീതി നടക്കുമ്പോള്‍ അദ്ദേഹത്തിന്റെ സാന്നിധ്യം ഉണ്ടാകില്ല. ഇങ്ങനെയാണ് രാഹുല്‍ കുറിച്ചത്.

അയോധ്യയിലെ ക്ഷേത്രത്തിന് തറക്കല്ലിട്ടപ്പോള്‍ത്തെന്നെ അദ്ദേഹം ഇത്തരത്തിലൊരു ട്വീറ്റ് പങ്കുവെച്ചത് അദ്ദേഹത്തിന്റെ അമര്‍ഷം വെളിവാക്കുന്നതാണ്. രാജ്യത്ത് എതിര്‍ശബ്ദമുയര്‍ത്താന്‍ പോലുമാകാതെ കോണ്‍ഗ്രസ് ചക്രശ്വാസം വലിക്കുന്നതിലുള്ള നിരാശയും അദ്ദേഹത്തിന്റെ വാക്കുകളില്‍ പ്രകടമായി.

Also Read: രാമക്ഷേത്രത്തിന് ശിലയിട്ടു; ചടങ്ങുകള്‍ക്ക് നേര്‍സാക്ഷ്യം വഹിച്ച് 135 മതനേതാക്കള്‍

DONT MISS
Top