ഖെദ്ദ ചിത്രീകരണം തുടങ്ങി; സ്‌ക്രീന്‍ പങ്കിടാന്‍ ആശാ ശരത്തും മകള്‍ ഉത്തരയും

ആശാശരത്തും മകള്‍ ഉത്തര ശരത്തും അഭിനയിക്കുന്ന ഖെദ്ദയുടെ ചിത്രീകരണം ആരംഭിച്ചു. എഴുപുന്നയിലാണ് ചിത്രീകരണം നടക്കുന്നത്. ബന്‍സി പ്രൊഡക്ഷന്‍സിന്റെ ബാനറില്‍ ബെന്‍സി നാസറാണ് ചിത്രം നിര്‍മ്മിക്കുന്നത്. മികച്ച കഥയ്ക്കും മികച്ച രണ്ടാമത്തെ ചലച്ചിത്രത്തിനുമുള്ള സംസ്ഥാന പുരസ്‌കാരം നേടിയ കെഞ്ചിരയ്ക്ക് ശേഷം മനോജ് കാന സംവിധാനം ചെയ്യുന്ന പുതിയ ചിത്രാണ് ഖെദ്ദ.

ആശാശരത്തും മകള്‍ ഉത്തര ശരത്തുമാണ് ചിത്രത്തിലെ കേന്ദ്രകഥാപാത്രങ്ങളെ അവതരിപ്പിക്കുന്നത്. അമ്മയും മകളും ആദ്യമായിട്ടാണ് ഒരു സിനിമയില്‍ അഭിനയിക്കുന്നതെന്ന പ്രത്യേകത കൂടി ചിത്രത്തിനുണ്ട്. ഷൂട്ടിംഗിന് മുന്നോടിയായി നടന്ന പൂജാച്ചടങ്ങില്‍ എ.എം. ആരിഫ് എം.പി., തിരക്കഥാകൃത്ത് ജോണ്‍പോള്‍, സുധീര്‍ കരമന തുടങ്ങിയവരും പങ്കെടുത്തിരുന്നു.

ബെന്‍സി പ്രൊഡക്ഷന്റെ പത്താമത് ചിത്രമണിത്. കഴിഞ്ഞ വര്‍ഷത്തെ കേരള സ്റ്റേറ്റ് അവാര്‍ഡ് ജേതാക്കളായ കെഞ്ചിരയുടെ ടീം തന്നെയാണ് ഈ സിനിമയുടെ പിന്നിലും. ക്യാമറ – പ്രതാപ് വി നായര്‍, കോസ്റ്റ്യുമര്‍ – അശോകന്‍ ആലപ്പുഴ, എഡിറ്റര്‍ – മനോജ് കണ്ണോത്ത്, പ്രൊഡക്ഷന്‍ കണ്‍ട്രോളര്‍ – ഹരി വെഞ്ഞാറമ്മൂട്, പി.ആര്‍.ഒ – പി.ആര്‍.സുമേരന്‍

Latest News