ലോക ക്രിക്കറ്റിലെ ഏറ്റവും മികച്ച ബൗളറെ പ്രഖ്യാപിച്ച് സച്ചിന്‍ ടെന്‍ഡുല്‍ക്കര്‍

സച്ചിന്‍ ടെന്‍ഡുല്‍ക്കര്‍

മുംബൈ: ലോക ക്രിക്കറ്റിലെ ഏറ്റവും മികച്ച ബൗളറെ പ്രഖ്യാപിച്ച് ഇതിഹാസ താരം സച്ചിന്‍ ടെന്‍ഡുല്‍ക്കര്‍. ജസ്പ്രീത് ബൂമ്രയെയാണ് മികച്ച ബൗളറായി സച്ചിന്‍ തെരഞ്ഞെടുത്തിരിക്കുന്നത്. അവസാന ഓവറുകളില്‍ അസാധാരണമായി പന്തെറിയാനുള്ള മികവാണ് ബൂമ്രയെ വ്യത്യസ്തനാക്കുന്നതെന്നും സച്ചിന്‍ പറഞ്ഞു.

ബൂമ്ര എറിഞ്ഞ പത്തൊന്‍പതാം ഓവറായിരുന്നു മുംബൈയെ നാലാം കിരീടത്തിലേക്ക് നയിച്ചത്. ഫൈനലില്‍ നാലോവറില്‍ 14 റണ്‍സിന് രണ്ട് വിക്കറ്റ് വീഴ്ത്തിയ ബൂമ്രയായിരുന്നു മാന്‍ ഓഫ് ദ മാച്ച്. ബൂമ്രയുടെ ഏറ്റവും മികച്ച പ്രകടനം വരാനിരിക്കുന്നതേയുള്ളൂവെന്നും സച്ചിന്‍ പറഞ്ഞു.

ജയിക്കാനല്ല ഞാന്‍ അന്ന് കളിച്ചത്; കളിജീവിതത്തിലെ ഒരു അനുഭവം ഓര്‍ത്തെടുത്ത് സച്ചിന്‍

സച്ചിന്റെ അഭിനന്ദനത്തോട് പ്രതികരിക്കാന്‍ തനിക്ക് വാക്കുകളിലെന്നായിരുന്നു ബൂമ്രയുടെ പ്രതികരണം. ബൂമ്രയെപ്പോലെ കൃത്യതയോടെ പന്തെറിയുന്ന മറ്റൊരു ബൗളറെ കണ്ടിട്ടില്ലെന്ന് മുംബൈ ഇന്ത്യന്‍സ് താരം യുവരാജ് സിംഗും പറഞ്ഞു. ഐപിഎല്ലില്‍ മുംബൈക്കായി എല്ലാ മത്സരങ്ങളിലും കളിച്ച ബൂമ്ര 19 വിക്കറ്റ് നേടി. 6.63 മാത്രമാണ് ബൂമ്രയുടെ ഐപിഎല്ലിലെ ഇക്കോണമി.

DONT MISS
Top